ياسلام الله على هايف سـلام (ن) نبتديبـه=يا صحيبي لك معزّه يشهد اللي لـه نصلّـي
ليت هايف السبيعي يسمع العوفـي صحيبـه=ثم يغني باللحون اللي لها صوت (ن) يسلّي
يا هلا بالصاحب اللي دايـم ٍ سبّـاق طيبـه=في محله لا حضرت أعد كنـي فـي محلّـي
اتوحى فيـك يـا ذيـب ٍ ينومسنـي قنيبـه=من على مشراف لامنه قنب مـا هوبيملـي
يا لعلّك للبقا والضلـع ضلعـي وانـا ذيبـه=وكل ذيب ٍ لا نصانا به نرحّـب ثـم نهلّـي
عينه اليمنى بخير وعينه اليسـرى عطيبـه=هو بناخي للعجوز اللي تسلّ السّيف سلّـي ؟
ماعليك خلاف دام انك علـى راس النصيبـه=والعطاشا ياردون الـورد والراعـي يفلـي
ام عين ٍ لو تجيب العيـد مـا قلنـا غريبـه=لا ونست روعه تجيك بحسهـا كلـه تعلـي
وانت ذيب ٍما عليك خلاف لو جاتك مصيبـه=لك مخالب وان لقيت الذيب تهجم ما تولّـي
في خريف العمر جالس فوق كرسي ذا نصيبه=راضي بالخيّاطة اللي هي تشـق ولا تشلّـي
صرت اشوفك تاكل ويمناك يا شاعر عضيبه=بك يسار ولقمتك بالحلق والبطـن امتملـي
تقضي الحاجات يالدندون وان جالك قضيبـه=حق..لا تزعل ولا تتعـب ولا يمكـن تكلـي
تحت كُمّ الثوب يمنايـه وتحسبهـا حطيبـه=واليسار تسد مع بعـض الاوادم مـا تجلّـي
كسّر البندق مدام ان القريّـب مـا تصيبـه=والا سمكر فالعيار وحط لـه سنتـي وملّـي
وانت يا ذيب ٍ تكرفس وانعثر جمـة قليبـه=وان لمسنا شادقينه هلـت السعبـول هلّـي
بيض الله وجهكم (يا قوم ) والناس اللبيبـه=ضيفتنا ..ضيفتن يا علّ ..مـا هيـه بدلّـي