تراحيبي بقدّمها لكـم مـن شاشـة التلفـاز=وبزهم ثم انادي يـا فهـد والعلـم عنـد الله
وكم واحد سليم وراح من عندي على عكّـاز=وكم واحد ليا جيته شـرد والعلـم عنـد الله
والا ياللي تناديني وانا جالس على المركـاز=تبيني روح يمـي فالمهـد والعلـم عنـدالله
عسا الله يستر الحافي ويرزق حضرة الخباز=بعدماعمدوهـم فالبلـد والعـلـم عـنـدالله
علامك ترسم الصوره وتنسى نقشة البـرواز=فلوسك لا تنقّصهـا عـدد والعلـم عنـد الله
اثر بعض العرب تلعب على حبل وعلى جمباز=على الحبلين مايلعب ولد والعلـم عنـد الله
انا راعي محل واللي حصل ياسيْدي النهّـاز=تركته ياعميلي عن عمـد والعلـم عنـد الله
انا عارفك يابندر تشب النـار جنـب القـاز=تحب الهدم وتعـز الهـدد والعلـم عنـدالله
يقول انه ترك سنة محمد عن دروبـه حـاز=مصيبه قلّي ايش اللي بعد والعلـم عنـد الله
افا يا صاحبي ويش الكلام اللي بدون اركـاز=عليك اتحضّر اشهود وسند والعلم عنـد الله
ترى صاحبك يابندر عن دروب النبي ماجـاز=وياثقل اللـذي منكـم ورد والعلـم عنـدالله
من اولها ليا آخرها وانا شابك لـك الهـزاز=نصحتك مير مافالحمض احد والعلم عنـدالله
كثير (ا) من العرب تجهل فتاوي قالها بن باز=ترى تبطل صلاة اللي رقد والعلـم عنـد الله
من اولها ليا آخرها علـى بصماتنـا قفـاز=ولاكن ناظر (ا) عيونك رمد والعلم عنـد الله
والا ياشاعر الحاره ترى صاحبـك مايعتـاز=تكرر في كلامـك يا"مـدد" والعلـم عنـدالله
ترى النيه مطيه وان درى فايـز درى فـواز=اذا هذا وقف هـذا استعـد والعلـم عنـدالله
تراني شاعر ٍ ماهر وابـي ردك لنـا ممتـاز=تعبت وصابكم منّي جهـد والعلـم عنـد الله
تخافون القبر ميـر القبـر محفـور للطّنـاز=ولا يمكن تشوفون اللحـد والعلـم عنـد الله
تذكرني تذكرنـي بواحـد "نقفتـه" مخـراز=ليامن شافني قـام وقعـد والعلـم عنـدالله
انا من عادتي لاشفتها طالت بـدون ايجـاز=حبست النّحْلِ واخذت الشهد والعلم عنـدالله
ترى عمّك قبل مده ذبْح لجلك هـذاك البـاز=وانا ذ ّكيت عمّك ثم حمد والعلـم عنـد الله
تراني غصّة الحنجور للّي يجهـل الا نجـاز=ترى حبلي في حلقك منعقد والعلم عنـد الله
تقوله وانت لاشفت المخيله خيّلـت تنهـاز=تهاب البرق وتخاف الرَعَد والعلـم عنـدالله
وانا بنصحك يابندر تحـط الجهـد فالالغـاز=يكفّي صالح ومشعل سعـد والعلـم عنـدالله