سلام ترحيب وافي من قلـب ياربـع صافي..اليـوم رحـب وسلـم=لهل القلوب الفطينـه اللـي تجيـب الثمينه..ترحيـب والا سلامـي
للكل حشمه ومقدار والسوق مليـان تجار..والكـاش عنـدي مولـم=سم العدو لاتعـدى عـز الصديـق ان تحدى..والنـور يجلاالظلامـي
يامرحبا ياهلابك تعيش حضـرة جنابـك ... والعلـم عنـد المعلـم=هات العلوم المفيده لهل العقـول السديـده .. واليـوم زاد اهتمامـي
الرب يعلم وينطاع والهرج يطلع وينشاع ... اسلـم وسلّـم واستلـم=واللي يزور الصحايف شاف النفوس الولايف .. وشعر حسب النظامي
أبك البقى ياولدعوف..ياضلع ماتعرف الخوف...عنـدك خبروالتعلـم=والعلم بيّن وينشاف..للي يدكون الاهداف...فالجـو بـرق وعسامـي
بكره يجيكـم خبرها..لامـن حـول مطرها...واللـي هـرج ماتكلـم=احسب حسابك من الحين..مافيه بكره وبعدين...شعيل عض السنامي
اعرف احسب حسابي تعرف ياحربه نصابي..والطيـب منـيّ محكّـم=الناس معروفه تغتر تعيش لحظـه وتفتر..والكـل حسـب المقامـي
خل القلوب السقيمه اللي تحب الشتيمه..تعيـش فـي قصـر مظلـم=ياكل سنامه بعد حين فالشيل له ظهرن يلين..ليتك تجيـب الخطامـي
كنت رجال مقدام..الـدرب واضـح وقدام...اصحـى معـي لاتحلـم=الزات راعيه كاشا..وعلى الحيـاض العطاشا...مايـاردن الضوامـي
اشعيل رادي زمانه..لاكـن خلـه مكانه...خلـك مـع اللـي تظلـم=لاجات يرعد رعدها..الطيب اللـي وردها...وطيـر بيـض الخيامـي
زيد الهلالي تهدّد وعلى الرفيـق ايتوعّـد... اشـوف قلبـه ملـزّم=لكنّ خلّك حليمي واشعيـل خلّـه يتيمـي... يبـرك وعينـه تنامـي
ماني لمثله موّكل وانت انتّبـه لاتعجّـل... وان جـفّ ماهـم تيمّـم=لاجاك خيّب حلومه فالارض طيّح نجومـه... واحّـط ذاك الوسامـي
من لاثنى دون عانيه..لايحسب الموت مايجيه...لاكن قـوم وتحـزم=راحت علينا غبينه..لاكن ربك يعينه...من ضـاع وسـط الزحامـي
انت العميل الحبيب..مادام لـك قلـب طيب..اهديـك ثوب(ن)مكمـم=يابندر القلب صاحي..في ليل ولاصباحي...اصحـى لحـد الحسامـي
للخيل لفّه ودوره والفارس اللي تـدوره ... كـبّ الطريـق الملغـم=والسيّف قاظب نصابه مع العرب لي مهابه ... للخيل عندي لجامـي
واللي ماكمّل طوافه من مكّه يرجع مسافـه ... الجحفـه والا يلملـم=الحّج وافي ياوافي من كبّ ركـن الطوافـي ... حـلال والا حرامـي
ان كنت فارس وخيال..تقطعبه اسهال وجبال...شيل الحمول وتقـدم=وحنا معك مانخليك..يكود بـان الخلـل فيك...لاصارشـد الحزامـي
وش عاد ماني مكلف..الجاهل اللي تخلف...نعطيه مـن بيـر زمـزم=سلم على اللي كتبها..والغلطه اللي رتكبها...ياجرف مـدري عدامـي
شلاّح جدّ العطاوي واخاف ترجع دعاوي ... والجـار حقـه معظّـم=وان طعت شوري تصبّر خل القضيّه تدبر ... ولاني لغيري محامـي
العين باين رمدها والاخرى واللي بعدهـا ... والدّلـه عنهـا متمّـم=والغلطه اللي عملها الكلّ منّا زهلهـا ... سامـح وكـبّ الخصامـي