المشاركة الأصلية كتبت بواسطة حمود الجابري

يالترف لوتعرف معزتك بالروح=ضلت عيونك ماتذوق الرقادي
أعزكم يالزين بالحيل وابوح=وأرفع بصوتي للخلايق ونادي
واقول أحبه عد ماقامت صروح=وأقول أحبه عد ماسال وادي
وياليت تكتب كلمة الحب بالوح=حتى تشوف الحب وشلون بادي
يانور عيني داخل القلب مجروح=داخل على الله لاتقولين عادي
لاتسترين الحب باين ومفضوح=واضح بنون العين وسط السوادي
يالترف قلبي لأجلكم صار مفتوح=قرب وفكر يالغضي في مرادي
مالي وراكم ياأريش العين مصلوح=يكود حبك ناحته في فوادي
وبنحته دام الغلا بيننايفوح=وبقطعه لاعودت للعنادي