المشاركة الأصلية كتبت بواسطة غازي الزغيبي

النفس ملــّـت من غثا حاجتيني=دمح الخطأ ومجاملة بعض الاصحاب
عوج الخطايا يبحثن الكنيني=لو قلت خافيــّـه مع الوقت ما يجاب
مشروههن دايم على الطيبيني=وإلا الردي ما حصلن فيه مقضاب
الكف الأملس من قديم السنيني=ماقيل وش ودّى مع الناس وش جاب
ما ينصفط لمرافق الغانميني=قدقالها الحصني وغيره وأبو ناب
لولا تجاريب الدهر يالفطيني=ومصارع الدنيا على كل هنداب
مافرّقوا بين الوفي والدويني=هذاك ينصونه وذا عنه مجناب
عسى لنا سيره مع المذربيني=يا ساتر الخلاّت يارب الأرباب
وأحسن لنا المقصود دنيا وديني=وإستر خطانا عن هدف كل مغتاب
لا تحطــّـنا لمفوّه الشامتيني=أهل النقيلي شامتت كل من غاب
وأمر وأدهى لاظهر لك إبطيني=وأنته تكمل ناقصه عند الاجناب
وإن جت من النــّـايد عسى الله يعيني=إصبر ولابد الهوا ريحها هاب
الأجنبي بابه على مصرعيني=عزّه وتقديره مع الناس لاطاب
وإن هس بالميزان ماهو خديني=قولة بمان الله تقفل مية باب
حقــّـه عليـّـه ما أفرح الحاقديني=لو مبغظه جاني يطرّح بالأسباب
يروح مني مستشيل وحزيني=ما شال مني ما يحسب له إحساب
سلم ٍ لهلنا به ندان ونديني=من مرجع الســّـنه وتحكيم الآداب
وحقــّـي عليه بخالقه يستعيني=يرسم حدوده والعمل عند كتاب
ماأرجي مديحة واحد ما يبيني=وإن سبــّني ما نلحقه لوم واعتاب
وكان البطيني جرح قلبه دفيني=لاشاف زودك حط في دربك أنشاب
ان ما حرصته بالنظر كل حيني=وأغلقت زرفال(ن) ملولب تلولاب
تعلموبك تايهين الظعيني=و إلا النشاما تفتخر بالـذي طـاب
ترجح ثقتهم في وكاد اليقيني=وزودت بناخيهم تزوّدهم إعجاب
بحقوقهم حذراك لاتستهيني=تنزل من القمه مع أسايرداب