ليت الطريفي مانشدني عن الطير
في وادي الجافي عساه الهماليل
يقول ضايع مالقوه المداوير
اتابعه حتى قصر شوفي اليل
قلت اه همك غير ونا بعد غير
طيرك يعوض باليال المقابيل
اما شريته بالذهب والدنانير
والا شبكته يارفيق المشاكيل
لكن طيري كفنوه الحفافير
في مقبره ياما بها من رجاجيل
اقفيت من عنده ودمعي شخاتير
غرق جناح عمامتي والمناديل
طلال بعده ذقت مر وتعازير
بالكبد نار وبالمحاجر سماليل
من لامني ياهل والوجيه المسافير
عساه مايقدر يشيل الفناجيل
عجاب صالح الحنتمي