افالح من بعض المشاوير عزلت
إلا لبعيد الدرب لزيارة. أمي
بالعزم والصبر الرهاوي تحملت
دربٍ على مثلي طويلٍ مهمي
عز الله انك في زمانك تجملت
وفرجت في بعض المشاوير همي
سقت المراجل لين بالطيب كملت
عهدٍ بميثاق المواجيب تمي
يما تحت غر النواشي تهملت
بقفرٍ لزينات المفالي يضمي
مراتعٍ للذود فيها تأملت
صفرٍ أسافلها ولاشعاف حمي
لا شفتها لله بالله هللت
دبسٍ على صوت الموده تلمي
نافع مطر المرواني