|
|
 |
 |
|
 |
|
العمر قضيته كفاح وتجارب
وعند امتحان النفس ماضمن نجاحي
مقولة اللي قال سدد وقارب
طبقتها وطلب قبول وصلاحي
وماقول سالم من جميع الذوارب
لكن يبقى عز نفسي سلاحي
وصدقٍ يوردني عذي المشارب
لاوردوهن فوق عدٍ ملاحي
يامعتقد سدري مثل سد مارب
خشمك يدمي ماتحرك وطاحي
ماعلموك مفخخين القوارب
العام مابين العتب والصياحي
احفيت بالميدان شيب الخوارب
وانته تسدح عند شقحاء طفاحي
نسمك للاقراب سم العقارب
ويديك للعدوان ماهي شحاحي
بينك وبين عداي صاير تقارب
واليوم هبي ياهبوب الرياحي
دفنت لك ركبة شجيعٍ محارب
بين الحرام وبين علمٍ مباحي
وان كان مانت لحبل الانشاب كارب
انا عيوف ولي مكانه وصاحي
اهبي يابعض الحا والشوارب
ودك تقرب موسها من صباحي |
|
 |
|
 |
شاعرنا القدير/سعد المحمدي
معاني جزله من شاعر جزل
صح لسانك وبيض الله وجهك
تقبل تحيتي وتقديري
|