ياللي تقول اكتب وشهد على شي
ينفع بناتك بعد ماتصير ميت
اللي رزقهن في حياتي وانا حي
ماهو مضيعهن ليا صرت ميت
يرزقهن اللي يجري الشمس والفي
كل المصاعب لاسهلها تهيت
يما طلبنا الرزق والحبل مثني
ويما بغينا حاجةٍ ماتهيت
الله. من قلبٍ طواه الزمن طي
وقولاً على غير الحقيقة مبيت
عيت تطاوعني على كل مابغي
حاولتها مرات وقفت وعيت
الله على ربعٍ مع الصبح تمشي
لدارٍ بها عفر الجوازي تهيت
اضن جروحٍ بالحشى زادها الكي
تطيب من عقب الشبب لاتفيت
نافع مطر