اليا سلم طلال هذا مناتي
امسيت كني مالكن مال قارون
لو مملك الا ددسني والعباتي
سلامته تسوى ثلاثين مليون
دونه عجزت اجمع بقايا شتاتي
والحال بعده صار من دون في دون
خدوم ليه في زماني أمراتي
ماشلت هم وماسهر الليل مغبون
يالله ياللي تعلم الخافياتي
اشفه يامغرق بالبحر جند فرعون
عسى الفرج يارب بالمقبلاتي
امين ياللي بامرك الكاين يكون
ابديت ماكنيت علم ٍ ثباتي
ادعو معي ياللي للابيات تقرون
عجاب صالح الحنتمي