ياموتري قدام وقت المغيبي
قرب ديار اللي بالافعال مذكور
راعي هلا بجناب والا قريبي
معزب الخطار ماهو بمثبور
عن واجبه ماكت بطن الشعيبي
معروف بابن نصير والاسم منصور
من شبته حتى طلع فيه شيبي
رجال كفو وماوطا كل محذور
ياعل مانسمع عليه النحيبي
ويعيش بالدنيا معافا ومسرور
من طيب راع الطيب ليه نصيبي
هذا بناخي حرب وصوك وممرور
ربعه بوقت ملافحات السبيبي
ياما نزلو وادي من الوسم ممطور
بحمرٍ يفلن كل قفرٍ عشيبي
بظل القضاه وبيرق الحرب منشور
والمدح ماني قاصره ياللبيبي
اليا قصرت المدح ماني بمعذور
عن باقي الجهنان ريف الغريبي
والله وسبع انعام لانفخت الصور
جيران وانساب ومواريث طيبي
قلت الصحيح وماتفوهة بالزور
والطيب لو ماصار دربه صعيبي
لقيت بوم الدوم في ماكر صقور
يجاهله تبغى الكلام المصيبي
انشد عنه راع المواجيب منصور