الهيل والبن اليماني لنا كيف
نشريه لو سعره مع الوقت زادي
والله مانحسب كثير التكاليف
مدام نجره لنشاما ينادي
وتجمعو حول الدلال المهاديف
بيض الرباب وسود مثل الهوادي
من كثر مايركن على الجمر لضيف
لاطاب نوم مكثرين الدوادي
واليوم ياوقت العنا والتحاسيف
وين البيوت اوين طرقي ينادي
قل التواصل والزمن صاير امخيف
وقلت سلوم اسلافنا والمبادي
فيك اختلف يالوقت حتى العواصيف
وحيان اقول المشكله بالعبادي
عجاب صالح الحنتمي