حمرة وهي نوع من الطيور الصغيرة
....
دخيل خذ من والدك لك مسالة
مسالة ما يفهمه كل رجال
احشم خويك عن دروب الرزالة
ترى الخوي عند الاجاويد له حال
والمرجلة بالك ترخي حباله
حذرا تعيل ولا ترخي لمن عال
ان كان ماتدعى على كل حالة
تراك من حسبة هدوم به ازوال
وان كان دلوك ماتموحه شماله
ترى النشاما ينسفونه على الجال
رفيقك الداني ليا شفت حاله
احمل عليك من المعاليق ما شال
ياعل رجل شوفته قد حاله
(عسى تدور زوجته فيه الابدال
الحمرة تدرك معوشة عياله)
والا الرجل يبغى منه بعض الاحوال
خله مع الديان تمشي لحاله
ياصار ما انت للمسة الخشم حمال
ترى ربع يوم مقعدك بالشكالة
يسوى حياتن عايشه فيه الانذال