https://youtu.be/P-EBKDDkClA


قالو تغني بالقصايد والالحان
وترتب المعنى على كل هيه

النظم نظمي والمعاني على شان
والله يعيد افراحنا بالضحيه

والعلم معنى والمواقيف نيشان
كلن على المعنى يعايد خويه

كل عام وانت بخير ياخير الاوطان
لاهل السعوديه سلام وتحيه

فوجود حكام يعزون الاركان
ال السعود مطوعه كل هيه

سلمان سلمان السعد طير حوران
انا اشهد انه هو زبون الونيه

عز البلد فخر البلد ياكحيلان
زبن الضعيف اللي تجيه الاذيه

سقم الذي يبغى على الدار عدوان
الفعل واضح والمعاني جليه

وولي عهده بالمواقيف له شان
جزل الفعايل والايادي نديه

هذا ولد سلمان في كل ماكان
سقم الاعادي والنفوس الرديه

الله يعيد العيد في عز وامان
لاحكامنا واهل الوفا والحميه

زان القصيد ولابدا فيه نقصان
الشعر وافي والمعاني ضريه

كل عام وانت بخير ياخير الاوطان
لاهل السعوديه سلام وتحيه


الشاعر// بــدر مــنــور مــطــلـق الـحــداري //