ياهوه وش صاير ورى المزيون في وجهه زعل =مدرى زعل والا دلع والا علامه ياترى
افدا زعل عينيك يازهر الخزامى والنفل= ترى محاكيك ان زعلت يخاصمه طيف الكرى
يامهجتي يابهجتي يارويحتي مافيك حل=زودك على كل الحلا فرق الثريا والثرى
في كل وقت اجلس معك انسى انا اسم الملل=وفي وحدتي ارقى السما بالهون لاطيفك طرا
واغفي على ظهر السحاب اكتب بقطراته غزل=وانظم لك نجوم السما عقد وله جيدك ذرى
ياغصن بانٍ لاتثنى طار من راسي العقل= وياهملالي ياعرب لامن ضحك واتغندرا
ان زارني انخا الثواني والدقايق بالمهل=وتتوه لحظاتي واعاف الكون لامنه سرا
لاتظنني اقدر على فرقاك ياقلبي وهل=يقدر على فرقا المطر جال به الشوب افترا
انا الروايه وانت ياسكر ترى فيها البطل=وانا العهد وانت الشهد لا يابعد كل الورى
ان كان زعلان الحلو حقك عليه ياعسل=وانا اعتذر , وانا البري , عن كل ماصار وجرا