ياجلال اتعبت فكري مع اللعب الطروب
يوم جبت الذاهبه جاز لي من عدها
شاعر يكتب على الجزل ويعرف الوجوب
حي والله ماجلب واليدين ومدها
جعل حظي مثل حظه شقردي ومحبوب
يايجيب المعجزه يايجي في حدها
ان لعبنا صارت الملعبه نار وشبوب
وان سكتنا مالقينا خصيم يضدها
تستنع والا تغدي في معاصير وهبوب
وأكثر الشعار دايم يروح بيدها
لكن النيه سليمه ولافيها عيوب
مانعرف الحقد والضيقه ولانودها
نجتمع بالعز والطيب والصدر الرحوب
ونكره اللي بالمشاكل يحاول هدها
جبت لك غيدا عليها الحيا ماهي لعوب
ياعساها تجوز لك لا لفت ووتودها
عبدالعزيز مناور الرويثي الحربي