لابغيت اسج رجلى واتمشى
ضاق صدري لين خلاني حبيسه
من الفجر يالين هالعالم تعشى
غير امر الباب واعود جليسه
كن مالي لامكان ولامخشى
كل ماحاولي يروعني حسيسه
والصبر عيا يجيني ويتنشى
له سنه من يوم فارقني ونيسه
وين غاب اللي خذا قلبي وقشى
راح يكفخ من ورى البرد ورسيسه
ماعلى الشرهات قانون ايمشى
لو غدت بي كبر قيعان الحويسه
بانت بصدر القصيده ماتغشى
قافها وافي ومبناها نقيسه
عبدالعزيز مناور الرويثي الحربي