مع السلامه والعذر منك مابيه
وفر مدامع غلطتك واستعدها
صحيح من يعطي وفا يبتلش فيه
ومن ينتظر مد اليدين افتقدها
قبلي وابن جدلان سارت قوافيه
واكد لنا مظمونها واعتمدها
اللي على قطع الوصل بانت يديه
لايكثر الحسبه وينسى عددها
ماينتهي درب الرجا في حراويه
ولاضاقت الا زان حظك بعدها
قل الردى مايستره ثوب راعيه
والحيه الرقطى يجيلك ولدها
يقطعك ياوجه الردى في مواريه
اللي يبيع لذمته لا شهدها
اللي يشوف انه على الناس هو بيه
يبطي عظم والله وهو ماوجدها
لايطول الهرجه ويشرح خوافيه
ماله سوى درب المذله بعدها
عبدالعزيز مناور الرويثي الحربي