ياتباشير الصباح بعين براق الثنيه
وين راحت فاتنة ذيك البيوت اللي ورانا
ملهمة شعري ونبضي والحروف الابجديه
خابر انا مانتفارق لين نقنع من هوانا
وين غابت واتركتني للسنين الجرهديه
ياعساها ماتناستت يوم قالت في لقانا
مااظم ايدين غير ايدينك انته في يديه
ولا احب انسان غيرك ضيق الدنيا وجانا
كانت اجمل شي عشته وانتظرته في مجيه
واصدق حلوم الطفوله والزمان وفي صبانا
لين بانت لحظه الفرقا وقالت لي وصيه
لاتضايق وانت والله يابعد راسي ذرانا
ليه راحت ياوجع صدري وخلتني ضحيه
والقصيد اليا كتبته ضاق حرفه مانسانا
حسبي الله من ظروف الوقت ماصارت وفيه
ضيعت حلم الطفوله وابتدت رحلة شقانا
عبدالعزيز مناور الرويثي الحربي