ياكثر ماغابوا لي احباب واصحاب
كانوا قبل مده لهم عندي حضور
راحوا مع الدنيا بلا عذر واسباب
وانا على فقد المناعير مقهور
خاويتهم بالعز والطيب ماغاب
لو ضاق وقتي جيتهم كلي سرور
نسري على طرد الولع كيف ماطاب
وياكثر ماغبنا على شانه شهور
نلقاه في سيح ومشاقيق وهضاب
واليا رمينا ماجلبناه مكسور
بمسلبات رميهن دوم ماخاب
فالبعد والا القرب ياسرع ماتثور
ناخذ بها سجه عن الناس وحجاب
واللي حداه الوقت تلقاه معذور
واليوم مالي غير ذكراهم اقراب
والشعر اهوجس به واناجيه مجبور
ابنيه والقى به مساحات وهضاب
ياحي قيفانه الى جات بالدور
تشفي غليل اللي من الناس منصاب
واللي على فرقى المحبين مذكور



عبدالعزيز مناور الرويثي الحربي