في مستهلّ الحفل لشّعر تكريم=بابيات منظومه وفيها فصاحه
والشّعر نبدابه صلاةٍ وتسليم=على الذي هديه لنا فيه راحه
وزان اللقا في محفل بخير تنظيم=يجمع رجاجيل الوفا والسّماحه
حفل التّقاعد والهدف فيه تكريم=جهد المعلّم في مسيرة كفاحه
ولمربّي الاجيال منزل وتعظيم=في مجتمع علمه يعدّه سلاحه
امثال ابو تركي محنّك وفهّيم=عبدالله عيسى والسّعد في صباحه
استاذ باسلوبه لقا خير تقييم=وشرحه يوثّق طالبه من نجاحه
وزياد فالارشاد حكمه وتعليم=مبداه مامثله وفيه النّصاحه
تاريخ فالتّعليم يزداد تحشيم=ونال احترام الكلّ في كلّ ساحه
وبدور عبدالباسط العرف تحكيم=يبدا الدّروس بفرحةٍ وانشراحه
وجهه بشوش وسمح مافيه تكتيم=ويبادله من خاطبه بارتياحه
ذولا نموذج علم للجهل تحطيم=وتشهد مسيرتهم لهم باجتياحه
وكلّ ازملاهم فيهم الطّيب تحتيم=واحيوا لهم حفلٍ جميل بصراحه
حفل التّقاعد والهدف فيه تكريم= جهد المعلّم في مسيرة كفاحه