بامر الحكيم اللي له الناس تحشرّ = عالم صدوف الغيب قبله وبعده
من شاعر قضاعي على الخير والشرّ = ماهو من اللي يبوق عهده ووعده
بالشعر نبدا والمواضيع تنشرّ = من مجريات الحرب برقه ورعده
فزت حرارأ بالجناحين تنشرّ = مير استكني ياخفافيش صعده
فعل الرجال اللي لها البيض تنشرّ = من دونها تحتاج قومه وقعده
بافعالهم يدقم هل الطبع الاقشرّ = حوث وتجرع غبنها جوف معده
لاتحسب ان الحد بيضأ مقشرّ = من دونها الفرقان والحشر بعده
وحنا على العدوان موتأ منشرّ = وسعد السعودي لابدا يوم سعده