البارحه عـاث بي هوجاس=يصـلا الضماير وموجـعها
والطرف عـيّا يـجيه انعاس=والنفس عـافت مطـامعها
والـحي ماكـن فـيه اوناس=ضـاق الفـضا مع شوارعها
ملّيت من كـثرة المجـلاس=بارض الجبيل ومصانـعها
متى يهب الـهـوا نسناس=والــذود تخــضر مرابـعها
من شافها مايجيه اعمااس=حــيرانـها يـوم تـتبعـها
لاروّحـت مثل عــقِد المـاس=وضحٍ تنومـس طــبايـعها
وضـــحٍ تعـوّذ برب الـناس=مـن كــل عـينٍ اتــطّـالعها
من ساسها تكسب النوماس=باطــراف هـيفـاء مراتـعها
وضح الجليدي رفيع الراس=اتـلاد مــاهـو مـجــمّـعها
ثــواب رجــلٍ قـوي الـباس=نفـسه عـن الـهون رافـعها
التوقيع مساعد الجليدي