السلام عليكم ورحمة الله وبركاته
لاتتبع المقفي ليا اقفى وتناساك
من عقب وجهه شفت مقرن علابيه
اللي ليا منه زعل منك خلاك
هرجة قفى يهرج بها مع بنيخيه
وحذراك من نقالة الهرج حذراك
من جاب لك هرج(ن) لغيرك يوديه
عود العشر ماهو مثل عود الآراك
لوكنت بالزمزم ترشه وتسقيه
ولو شفت لك نجم(ن) لمع بين الافلاك
لابد ماشمس الحقيقة تغطيه
ماش الذي بالعز والطيب ماشاك
والا ضعيف النفس وش لك تماشيه
راع الوفاء لاجيت بحماه حياك
ساق الدلال وقال ربي يحيه
والله لونه من عشاء البيت عشاك
تلقا بعشاه الجود وتلقا الكرم فيه
خصايل اهل الجود ماظن تخفاك
وعن الردي مااظن تحتاج تنبيه
وياالله وعبدك يرتجي دايم رضاك
لك مخلص الدعوه ويرفع لك ايديه
مااحد(ن) علم غيبك ولا الغيب يخفاك
وانت العليم وتعلم اللي بخافيه
باب الرجاء بابك وانا عند رجواك
وانت الذي كل المخاليق ترجيه
يرجاك من ودهـ بعفوك ورحماك
انك من ذنوبه ياغفار تعفيه
لا لك شريك ولا يعبد ياالله سواك
وإنك على طريق الآبرار تهديه
أيــــاك نعبد يأألهي وأيــــــــاك
وبك نستعين بكـل شئ (ن) نسويه
وسلامتكم
الشـــاعر
عيسئ بن رباح المحمدي