المشاركة الأصلية كتبت بواسطة الكحيلة

	السلام عليكم ورحمة الله وبركاته لغز موجه المستشارنا القدير ابو هليل وللجميع مستشاركذا مرة وجه لغز لكحيلة حرب ومن الادبيات المتعارف عليها بين اهل الشعر الرد عليه بلغزموجه له.اتمنا ان يليق بمقام سموه مع طلب المعذرة لو اللغز مو قد المقام ف مازلنا بالصفوف الاولى طلاب في مدرسة مستشارنا. (سلامٍ احلا من حليب المصاغير)=وضحٍ مرابعهن جنوب الفراتي الاوله يحوي معزة وتقدير=والثانيه ردٍ على الفيتاتي الغازك الي وجهن لي عن الغير=رد الثنا طبعي وهذي سماتي وش اللذي في وصفها واسمها غير=تميزت عن غيرها بالصفاتي لها مكانٍ عند كل المناعير=في حاضر الايام والفيتاتي بنتٍ تجي في لمة الشر والخير=طرشاء وبلما ماتعرف اللغاتي

ياكحيله ماعنكم مصد ومعاذير = لو كان عيني ماهناها المباتي
شاعر ولا ني من كبار الشواعير= واليا قصدت بيوتنا وافياتي
الشعر يبغاله قروم وصقاقير = تحكم بيوته مثل حكم الزناتي
بعده هلا عداد ماغرد الطير= ترحيب حالي مثل سكر نباتي
بالي بيوته مثل صرف الدنانير= فالسوق لامن جابهن غالياتي
تنشد وانا فالغز درت التفاكير= وناديت ناسٍ فالصعايب دهاتي
ولقيت لغزك ناحلات المخاصير= عند العرب لاجيتهم حاضراتي