السلام عليكم ورحمة الله وبركاته
كل عام وانتم بخير
كلن على اسلوبه يعايد مع العيد = يختار مابين الوسائل وسيلة
تحمل تهاني تاصل قريب وبعيد = دام الفرح غاية و وصله فضيلة
احدن تبى شوفه مع العيد وتريد = وتجعل ظروفك شوفته مستحيلة
وتبغى البدايل باتصالك لك تفيد = والوصل مبدأ والقطيعة فشيلة
وتبقى الرسايل ماتبي منك تحديد = للكل مكتوبك تجمل تشيلة
وبيني وبين حروف شعري مواعيد = نرقى سوى روس الحيود الطويلة
ونرسم على جدر التهاني تغاريد = إبداعها يظهر بصورة جميلة
للكل نهديها في باقات 0 ونزيد = تغليفها من ود ماشي مثيلة
بها نعايد كل ما عايد يعيد = واللي رحل ذكراه برق ومخيلة