المشاركة الأصلية كتبت بواسطة أبوفيصل

	السلام عليكم ورحمة الله وبركاته يسعد مساكم جميع هذا اللغز يعتمد على الذكاء والدهاء والجواب لايخرج عن اللغز عساه يعجبكم السؤال السهل سهلٍ له مرد =له سداد الحل حلٍّ مع دها واحدٍ كل ماحدا حل وورد =وارد العد والموارد عدها راح له مع عوْد ماحوله أحد =طول ماهو راحلٍ ما لدّها لاوسومٍ للحلال ولاعدد =ولاحلالٍ للوسوم و ردّها

يالعطاوي مرحبا مثل الشهد = عند ناسٍ ماتغير ودها
لاحضر لغزك نقوم ونجتهد = السيوف البيض نرهف حدها
بعدها ياصاحبي جاك الرعد = صوغتك هاليله اسمع ردها
ملتوي لغزك ومحكوم العقد = ذبحته يمين ماني قدها
لانضربه واحدٍ مثلي شرد = ديرته ماعاد ينزل خدها
وين رجلٍ بالمعاني يجتلد = بندقه تصيب لامن مدها