جمت البير راحت في زمن نصف ساعه=ياعرب ويش السوي والمراوي بعيده
كل يومٍ اناظر جوف بيري وقاعه=والظماء يبس عروق النخل مع جريده
ابتلينا باقلب دوم يهواء الزراعه=مهنة الجد والله ماهي ليه جديدة
لومشينا وسعينا في مجال الصناعه=غيبتك ياربيع القلب والله فقيدة
باطلب اللي يخلق النور يرسل شعاعه=يرسل الغيث وبروق الحيا مع رعيدة
اهلها في خبوت خليص وينبع تباعه=يفرح اللي بشوف الغيث فرحه وعيدة
يسقي داري ودار اللي اهم بالرفاعه=خليص وينبع هواها نبظ قلبي وريدة
يحيي دار الربوع اهل الوفاء والشجاعه=ربعةٍ يوم هدات الليالي شديدة
من قراء في تاريخ اديارنا ياجماعه=ابحر ابخيرها يوم المراوي عديدة
خليص وينبع يوم الوقت شين ومجاعه=خيرها واصلٍ مكه وجدة شهيده
الحكمتك ياولي العرش سمعٍ وطاعه=بس رجواي وجهك ياولي العقيدة
باتذرع وبدعي وبتهل بذراعه=وباتذلل عسى غيثك علينا تعيده