بسم الله الرحمن الرحيم
هذا الطاروق بدون تنسيق لانه بالتنسيق مايطلع ببعض المتصفحات
فايزموسى البشري
سلام الله على الشاعر سعد وابا اطلع المشراف = مادام الفكر حر اكيد فيه ابيوت ناريه
يقول الي ضرب خمس ٍ بخمس ٍ من بعد ماشاف = عسى الله لايبارك بالردي وخبيث النيه
سعد المحمدي
هـلا يامرحبـا بالشـاعـر الـلـي ماعلـيـه اخــلاف = يبـيـع ويشـتـري بالـسـوق فــي عمـلـه سعـوديـه
تصيح وتشتكي لي يالمزيني والحمول اخفاف = وانــــا مــانــي مـكــلــف يـالـعـواجــي بـالـعـواجـيـه
فايزموسى البشري
يدوم الك البقى والسالفه ماهي ذرى والحاف = تـرى بعـض الهـروج اخفيفـه وتصـيـر مقفـيـه
ولـو ثقلـت جملنـا بالشدايـد طيـب الاوصـاف = وتـــرى مـاكــل تـمــره يـاسـعـد تـمــره حـسـاويـه
سعد المحمدي
سوالفـكـم كثـيـره والـهـدف داري بــه الـهـداف = وانا مبغى الديـار اللـي مـن البـدوان ماطيـه
نبي عمله جديده يوم حطوك العرب صراف = مصـدع مـن علـوم مكـرره فـي كـل عصـريـه
فايزموسى البشري
عن العلم الحقيقـي مالنـا وجهـه ولامحـراف = مـادامـنـا رجــــال الامــــن نـمـســك للـحـرامـيـه
ترى ماكل من هو طب مكه مستعي مطاف = تجـي نــاس وتــروح وكــل رحلتـهـا سياحـيـه
سعد المحمدي
ترى بالناس صادق مير مثله يجودي مزهاف = يــشـــب الــنـــار مـابــيــن الـقــرايــن والـدلـيـمـيـه
ليـا عـفـت البـلـد خـلـك يـابـو ريــان بـالاريـاف = يــروح الظـغـط والـسـكـر وتـصـبـح مـيــه امـيــه
فايزموسى البشري
نعرف العلم وايضا العرف مايعرض على العراف = وعـــن الـمـزهـاف فـيــه رجـــال دايـــم نـارهــا حـيــه
يقـولـون الـرجــال الـكــل مـاقــف كـلـمـه ومـيـقـاف = وكـــل ٍ لـــه عــقــل وافــكــار والاوضــــاع حــريــه
سعد المحمدي
رحمـك الله يامطـلـق رحـمـك الله ياصـيـاف = عليهـم لـو بكـة عينـي ماسميهـا شقاويـه
انا ماحط راسي بين حد السيف والسياف = ادل الـدرب الابيـض بالشمـال وبالجنوبيـه