السلام عليكم ورحمة الله وبركاته
إخوتي وأخواتي الكرام أتشرف بإنضمامي معكم في هذا الصرح العالي
ثانيا أريد أن أختصر عليكم الكلام لكيلا تختلط الأمور عليكم ليس كل
كل شي في الكتابه ترمز للقبيله أو المنتدى فحتما إذا أردت أن أمدح
قبيله أومنتدى ستكون واضحه وليست مغلفه لأني لا أشعر باالحرج
في المدح أو الذم.ومن الرموز التي إستخدمتها ولو كانت غريبه هي
إستخدام صديقي للسلام على هذي القصيده (ليلى) وهو لايعرف
شيئا عنها فقط لكي لا أخرج القارئ من جو القصيده.
ثالثا عندي في كتاباتي أي واحد يفسر قصيدي بطيب حتى ولوغلط
فهو نور ذالك البدر.
أطيب تحيه للرجال النشامه=عابق هواها من بساتين برلين
للدار دار الطيب صلب الدعامه=يحمي خيار القوم لو هم ملايين
لا جا بوقت الضيق هامه بهامه=لمع السيوف الظاهره كاالبراهين
له راية الشجعان مثل الوسامه=تأكيد لجذورن عليها من إسنين
وعتابهم كنه هتون الغمامه=يزرع بنبض القلب ورد البساتين
ياحظ من ظموه بالإبتسامه=ثغرن ليا جا الليل يشتاله إبزين
يابدر ياأنسي نديم الظلامه=النور في ثغرك ترى شال كربين
كرب الهموم الطايله والندامه=وكرب الوحيد اللي مع الليل مسكين
يم النهر عدنا على ظهر شامه=أسقي بها مبسم مليك المزايين
اللي يناديني ويرسل سهامه=إسهام حبن وصلت لي الشرايين
من مجلسن سامي رفيع المقامه=يهنابه الزاير عزيز المضيفين
وينك حبيبي ياعساها سلامه=يااللي تناديني من أول وهاالحين
ريح النفل يمك ونبت الخزامه=خلّك من اللي للبصل خشمه إيلين
ماهو بعيرن لا نحرته.سنامه=مدح العشى يوصل على أطلال بكين
عدّه غرابن ضيعته الحمامه=يمشي على الجره وينعق على البين
ولاجا بوقت الصدق كنه نعامه=راسه بحفره يندرق كل سكين
وختامها ذكرن لخير الأنامه=أحمد نبي الله تقوى وتمكين
صلوا عليه الفايده في الزحامه=في وقت كل الناس زينن مع شين
البصل=الهجاء