كثرت دنّوبي وانا مالي رجا=إلاّ بحلمك ومحسن ضّن فيك
ياعالم السّر في ليل الدّجا=الامر لك وانت لايومر عليك
لاملتجى منك وانت الملتجى=ولاخاب مضّطر ساعة يرتجيك
اصل السّبب من غلا طرفه سجا=ولولا الهوى كان عبدك ماعصيك
اكتب عليه انّه بعفوك نجا=وانجيه مكرٍ على ذاته يحيك
ومن كل ضيقه يجي له مخرجى=يامالك الملك ولا لك به شريك
عفوك وغفرانك اللي يرتجى=للمذنب اللي بذنبّه ماخفيك
شاعر فنظمّ الشَّعر له منهجى=يطرق به اغراضه بما يرتضيك
فالمدح ولاَّ الغزلّ ولاّ الهجا=ينظمّ جزيله ولا ينظمّ ركيك
نظم قصيده في وضعٍ محرجى=فيها ابتهال وبالثّنا مانسيك
حقٌق له اللي يريده بالرّجا=ياواسع الفضل محسن ضّن فيك