جينا لمرزوق الحساني ونوفيه=وحقٍ علينا نوفي الشّهم مرزوق
حيثه عزيز ويجبر القلب يغليه=يوفي لزومه رجل صادق ومصدوق
طيب وشموخ وذوق متجمّعه فيه=عشّاق لنّوماس ولكسبه يتوق
حرٍ ورث مجده من اللي مربّيه=زين الصّفات اللي بها اللين مرفوق
لايقرب الكبره ولايمكن تجيه=هذا الذي زاده على النّاس بفروق
وفيه الحميّه تجبر النّاس تنخيه=عليه ثوب المعرفه ذوق ويلوق
ومن الغلا ساعة دعانا نلبّيه=واللي يوافينا علينا له احقوق
وانا نيابه عنه قولي يكفّيه=يامرحبا ترحيب للحاضر يشوق
حاضر حضر للحفل ربّي يحيّيه=يلقا حفاوة جود ماهو بمسبوق
حفل زفاف ابنه عسى الله يخلّيه=عبدالله المرزوق مايعيش محموق
الله يبارك في حياته ويغنيه=بالمال والاولاد والجاه مرزوق
هذا كلام اللي صدقّ قول يحكيه=ويعتزّ بسمه خالد عبيد معتوق