حي الكلام اللي معانيه تسديد=عبر الاثير مسليت كل قاري
يامرحبابك ياصبي المعابيد=ربعي ليا سل النمش والسواري
هم عسكر البارود والعلم تاكيد=ماهي علوم ملفقات الحواري
طلال يشكيلي ونا عنه ماحيد=وعن غايت الموضوع ماني بداري
ياالشاعر الماهر بعيد المقاصيد=الوضع يبحل فيه كل استشاري
لازاد تشجيعك تزيد الحواسيد=ياعل مايمشيلهم من ذراري
عطيت موجز وتوقف ولازيد=هذا اختياري في نهايت قراري
قدمك هديب الشام في فعله اشيد=باالمعرفه يوصف ببنك التجاري
يزكي ليا بان الهدف للبواريد=ماله سنين اليوم غير الحداري
ابن سماح اللي اعونيه واريد=لي الفخر لاجبتله اي طاري
منه الستمد المعرفه يالواليد=شاعر وديب بكل منطق حضاري
وتمت وخذ مني لكل المعابيد=تحيةً من خاطري وعتباري