مضحي بن جمران=
سلام الله سلامٍ سليمٍ يرفع الراس=سلامٍ يشمل الملتقى واللي يروده
سليم الجابري ودنا معك بمرواس=وكلٍ يابيض الوجه ناره من زنوده
سليم الجابري=
هلا يامرحبا من ضمير وقلب واحساس=تراحيب الوفا والشرف مهي محـدوده
تفضل ياطويل العمر والهرج بقيـاس=ويبغى يبين وزن الذهب نقصه وزوده
مضحي بن جمران=
يدوم الك البقاء والعلوم اللي مع الناس=تزين ان قاله الله وكـلٍ مـن جهـوده
يطولك يالعنب واحدٍ للغصـن لمـاس=ومن لاطال غصن العنب مقضور عوده
سليم الجابري=
تزين ان كان سلك الخطر مالامس الماس=يابن جمران كـلٍ يدرهـم بـه قعـوده
سمعت علوم من يمكم والقلب حسـاس=ولقيت الباب مقفـول وحبـال معقـوده
مضحي بن جمران=
انا ادري وانت تدري لاجانا مثل جساس=تراء كلٍ يحـط العلامـه فـي حـدوده
لكن ماظن بين الفعل والهرج مقيـاس=وراع الفعل فعله يكفي عـن شهـوده
سليم الجابري=
لاجات علوم وعلوم يابن الناس لاباس=ترى كلٍ على الحـد بيجهـز جنـوده
اظنك مافهمت الخبر ياطيب السـاس=وانا سامع خبر والخبر جتني جـروده
مضحي بن جمران=
ترانا لو خلطنا الذهب يالقرم والماس=يجي عقد الذهب مايوصف في عقوده
انا ماني خواجه ولاانت بجرج والياس=عساء من جابلك علم مانعدم وجـوده
سليم الجابري=
ان كانك ما انت للبحر سبـاحٍ وغطـاس=اقول ابعد عن البحـر لاتقـرب حيـوده
ماقلت انك خواجه ولا انته من عرب فاس=لكن البيت مـن يمكـم شـدوا عمـوده
مضحي بن جمران=
تراء كلٍ على قد جسمه فصل لبـاس=لكن القشمري ليش يبطي في رقـوده
عساء مانته بمقلع مثل عباس فرناس=عقب ماحط جنحان خانتبه عضـوده
سليم الجابري=
ترى السيف الرديني مايشبه قضبة الفاس=وهـرجٍ مالـه اثبـات بالله لاتـعـوده
انا ثابت سوات الجبل وافـوز بالكـاس=وعلم بدون برهـان مانبحـث سـدوده
مضحي بن جمران=
بليا شك ماجود به صـادق وهـلاس=وهرج الصدق قدمت للعـارف بنـوده
صحيح انك شجاعٍ على الساحات دباس=واعرفك ذيب والذيب مايقرب فهـوده
سليم الجابري=
مادام انك عرفت الكلام ودق الاجـراس=ترى دمـك تحـرك حـراره لابـروده
شجاعه مثل هاذي لابو صقر من الناس=انا فرعك سحابٍ تـرازم بـه رعـوده