اشكر صحيفة حرب من كل الاعماق=ممثلة با الأخ بدر العياضي
زفت لي البشرى وانا كنت مشتاق=اقرأ قرارٍ ما عليه اعتراضِ
تعيين شيخٍ له بالامجاد معلاق=معلقٍ بالمجد حاضر وماضي
ولد رباح اللي على الطيب سبّاق=شيخ الشيوخ مقضفين العراضي
شيخة فعل ما هي بما شيخت الاسواق=الشيخة اللي تستحق البياضي
ينقذ بها معسر ويعتق بها اعناق=ويحذي اللي يشتكون الرماضي
ومبروك يا معشوقةٍ عند عشاق=انشهد انك من بناتٍ حظاظي
حزتي على شيخ المكارم والاخلاق=وغيرك عليه تضيق سبع الاراضي
شيخٍ لمدحه تتفق كل الاذواق=مافيه بيتٍ عنه ماهو براضي
مدايحي يمه سريعات وسباق=تارد لأبو نواف ورد الحياضي
ومني لعبدالله تحية وميثاق=وتدوم ياللي للمراجل تحاظي
صح السانك مليون كفيت ووفيت ياعلي
ويستاهل المدح الشيخ عبدالله ابن رباح ابن طعيمس
الله يوفقه التوفيق الطيّب ويجمّله