يا ماحلا الارض وإن شعت بلون الخضار =شعت بلون الخضار وفاحت ازهارها
وياماحلا فرشتك بالروض وتشب نار = وتصلح الدلة اللي تضبط بهارها
وسوقه على اللي يمين ولاتجي باليسار = على رجال ثقات تحفظ اسرارها
دايم نخاوي عيال صقور وابناء حرار = والا الرخوم تهبى ياعنبوا دارها
ابطلع البر وابعد عن كثير الشجار = واسج رجلي مع البران واشجارها
ماعاد به مجلس طيب وتسيير جار = الناس في هالزمن يا مشين أخبارها
مجالس مابها ياغير عار وشنار = والا على صنعة الكفار وافكارها