المعاني سوات البحر يوم فاض.. واستهلت مزون الفكر وارعدت=صاحبي خالد الأحمدي ازهمه ..لجل عندي كلام ن سوات الجنيه
صيرفين فكل التجارات خاض.. سلعت ن سامها عند اهلها زهت=ياسلامي سلام ن ربوح اسهمه..سهم في سوق للمرجله نشتريه
ياعريب اول القبلتين استغاض..والمآذن على اهل الأذان انقمت=والصباح المنير النكير اعتمه..والشجر والزهر صار طينه عليه
والنهر من شرور المخاليق غاض..والمطر ماهمل والجبال اصدعت=والأسد موطنه لطخه من دمه.. نقمة ن كيف منها الأمل نرتجيه
والبشر مايفرق سواد وبياض..كل نفسن لهت والمحاجر غفت=صمتهم قاع فلك البحر يخرمه..وأغرق الكل والموج من يعتليه
وقت فيه القلوب الصحيحه مراض..والمريضه علت للعوافي احتوت =امة ن صوتها منهو اللي اكتمه..وألجمه واسلمتله على مايبيه
امة ن صابها سقم كرب المخاض.. والتخاذل لنا والهزيمه انجبت=ضحكنا وبكينا غيرنا صممه ..فوق مليار مثل الزبد يزدريه
خالد اعبيد مثلك حسبناه قاض.. احكم فدعو ة ن نارها ما طفت=والخطا منهو اللي لنا عظمه.. حال فيه استحال الدوا يحتويه
هاجسي لجلك الألمعي لك هاض.. والمثايل سوات الركاب اسرعت=والجزيله لها حبل بك نبرمه.. شاعرن حرفك المجتبا ننتخيه
عد مزن الحيا اللي به البرق ناض.. من ثعوله جميع الرياض ارتوت=ذكر رب ن كريم كثير انعمه.. يكرم العبد لاكان مقبل اليه