خليفة المزروعي=
سلام الله برديه وأبي شاعر من الشعار=ليامني نصيته بالمثايل هيض الخاطر
ولا نبغى الضعيف اللي يثورها بدون اعيار= يناصي موجها ودموع عينه تشبه الماطر
فايز البشري=
هلا يامرحبا يالي تنادي والكبار اصغار = يصغرها الفهيم العاقل ولا تبلش الشاطر
على كيفك تولم ياعميلي واضغط الازرار = ولاتمشي بدرب ٍ لامشيته تصبح مخاطر
خليفة المزروعي=
الا ياراعي البستان وش عندك من ألأثمار=عسى عندك من ألأثمار مايسعد بها الناطر
انا والم لاكن انته عساك اتكمل المشوار=أخاف احمولها لاصلبت جانا لها فاطر
فايز=
لفينا للمصوت والمصوت في غباره ثار = نبي حبك البيوت المحكمه يارجل لاتقاطر
تولم ثم تكلم والدروب الي سلكت اقصار = تبي تاقف بفضل الله مابين السطر والساطر
خليفة المزروعي=
نصينا داركم ماشفت منكم من يشب النار=بعد ليله مضت فتحتلي والشوف متشاطر
دروبي طايله وأنته دروبك داخل ألأسوار=ليا منك تعلمتو عطيتك عودها العاطر
فايز البشري=
خليفه ياخليفه مانحب الي يلف ودار = مادام الفكر بالي لايصير الجسم متفاطر
دروبك طايلة لاكن نتيجتها تصير اصفار = مانبغاء انقول يالبطران وانت تموت متباطر
خليفة المزروعي=
تراك انته حليل احذر يديكم لاتجي للحار= ويصبح دمها من فوقكم ياصاحبي قاطر
تناطح للجمل وأنته يدوبك من تحته حوار=الا ياشين فعلك وانت حربي من بني ماطر