يـاهـاجـس الاشـعــار وقـتــك امـلايــم = بقول الحقايق والسعـد لـه علامـات
عــلــى وجــيــه الـخـيـريــن الـهـمـايــم = وهبـه مـن الخالـق لخلـقـه مقـامـات
الـطــيــب يـابــنــدر اســاســـه قــدايـــم = غـريــزةٍ يـالـفـرم تـنـبـع مــــن الــــذات
مــيـــراث جــدانـــك جــزيـــل الـغـنـايــم = خلد لها صنيتـان بالمجـد صفحـات
ومحسـن اخـو حسـنـا قــوي العـزايـم = يفخـر بـه التاريـخ فـي كـل الاوقـات
ذكــره مــع الابـطـال باعـلـى الـقـوايـم = عـز لقبيلـة حــرب حـاضـر ومـافـات
شيخـان حمـول الخيـل والحـظ قايـم = مـقــدم مـعـطـرة الـنـمـش بالـبـطـولات
ســتــر الــعــذارى لابــســات الـزمـايــم = لو مـات واحدهـم لـه المجـد مامـات
وانته ولـد محسـن بـك الطيـب دايـم = مـاهـي غـريـبـه تـرتـكـي للصعـبـيـات
من دون مـن جـارت عليـه الظلايـم = الـيـا ثــارت الفتـنـه للالـبـاب حـــزات
تـقـوم فيـهـا و الـبـخـت لـــه قـسـايـم = والـحـظ طـيــب يـــا زعـيــم الثـقـيـلات
شلـت الثقيـل ولا حسبـت الهضـايـم = دون اليتـيـم الـلـي يـعـول العفيـفـات
الـلـي ورى القضـبـان كــن السمـايـم = الامر سامي بالولـد ضمـن الامـوات
بحكم الشريعـه ماعلـى الشبـل لايـم = نــادى ونــادى لــه رفـيــع الـسـمـوات
جـاه الفـرج فـي جـاه عـابـد وصـايـم = باخر شهر الخيـر ياهـل الحسانـات
لـعــيــون خــالـــد سـجـلـوهــا تــمــايــم = دام الـمـصـايـب حـلــهــا بـالــريــالات
زعـيـمــهــا شـــيـــخٍ يـــفـــج الــخــرايـــم = بندر ولد محسن له الطيـب عـادات
وحنـا علـى صـوتـه حذفـنـا العمـايـم = والــعــز يــبــراه الـبـخــت بـالـمـهـمـات
والـبـيـض تـنـشـر لـلـرجـال الـعـظـايـم = عـبـر ضـفـاف المملـكـه بالمنـيـفـات
يــوم الـمـواقـف بـيــن بـايــع وسـايــم = حــرب العريـقـه معـجـزه بالشـهـادات
ارجـــالـــهـــم لــلــواجـــبـــه والـــلـــزايــــم = والـحــر طـبـعـه يـكـتـفـي بــالاشــارات
هــانــت وهـونـهــا أمــديــر الـنـسـايــم = والـشــكــر لله ثـــــم لــهـــل الــمــبــرات
عـمـوم مــن شــارك بـقــول ودعـايــم = نهدي لهم مع صادق الشكر باقات
وصلـوا علـى المختـار بالـذكـر دايــم = اعــــداد مـايـذكــر بــكــل الــصـــلاوات