العزوم اللي على شانك تقوت = مرت النفس الخبيثه وعثرتها
الظنون المسرفه فيها تلوت = صابت الهمه رخامه ومسكتها
النجوم اللي بسماك العام ضوت= الغيوم السابحه عنك احجبتها
كان عندك حاجةٍ بالقلب دوت = الضماير يعلم الله خافيتها
العواذل من محبتنا تكوت= من ورانا هرجها يظلم بختها
ياحبيبي نظرت الحساد سوت= امنعت كل الوعود و خربتها
في حضورك صادق الاشواق صوت = مرحبا ترحيبةٍ عينك قرتها
فرصةٍ جابتك والله ماتفوت = لاتروح العين تبغى منظرتها
استريح عروق قلبي ماتروت = انتظر غيبتك هي من يبستها
من جفاف الهجر واللهفه تطوت = جابك الله خلها تاخذ راحتها