من الماضي=
نظمأ شعر .. ونتذاكر ورد = ولمبلغـه نعقـد الآمـال
ياحرف لأسمى المعاني عد = سلام في بـادي الأقـوال
.=.
العامودي=
أنـا فنهـر المعانـي فـرد = ومثلي على النهر صال وجال
رجّال مثلـك ذُكـر وانعـد = يامرحبـا وابـدع الأمثـال
.=.
من الماضي=
عسى البقا ياوفيّ المـد = ياحرّ لأعلى المراتب نال
ننصاه لاحان وقت الجد = ويفيدنا لاشكينا الحـال
.=.
العامودي=
عساك سالم وامد اليد = تقدير ياوافي المكيـال
والرجل شرواك ماينرد = ونقوم دونه بحال ومال
.=.
من الماضي=
نقبـل فـرح ونتهـادى ود = في دار فيها قـدر وإجـلال
وماارتاحت قلوب تحمل حقد = تسعى خفـا للـوداد يـزال
.=.
العامودي=
صرح الوفا ماوضع له حـد = وما يسكن الصرح غير رجال
للحقد واهلـه معاهـم ضـد = بالـود نقـدر نهـد جبـال
.=.
من الماضي=
بيدين من لايعرف الفقـد = اللي انتقوهم من الجهـال
لعبوا على عقولهم والقصد = تفنى مودة سنيـن طـوال
.=.
العامودي=
ذاشي ماهو حديث العهد =معروف من سابق الأجيال
كم صرح عالي قدر ينهد =يخفى والاسباب قيل وقال
لكننـا لوبذلنـا جـهـد = باسلوب بقيـادة العقـال
لابد منـه زرع يحصـد = قصر عليه الزمن أوطال
وياأصحابنا سامحونا=