الليله الطاروق متميز من الصدر الوسيع=يصرف ذهب صافي ويطلع مع مطاليع النجم
بالعرف نشري وسط سوق المعرفه دوم (ا) ونبيع=وابشرك بيت الكرامه والمعزه من قدم

الليله الطاروق نبغاء نطوعه حتى يطيع = على المعاني والمعاني من فكر ماهي عدم
العقل ساس العرف وانته قدم الي تستطيع = سولف واسولف والبناء ياصحبي غير الهدم

جزل المعاني عشقتي في صيف والا في ربيع=اتعب على الجزله والي فيها نصيب (ا) ولي قسم
وأما بنينا ماهـدمنا والشجـاعـه للشجيع=واللي ماقدم خير في وقته ماينفعه الندم

مابك اقصور ويشهد الله دايم ٍ قدرك رفيع = بوقت السعه وايضا ً حقيقة بالطريق المزدحم
اليوم يالطوفان به ريع ٍ وبه عود صريع = والعود وسط الريع وغليم يجره محتزم

كرمت ياراع الوفا لو كان ماقدم صنيع=فيك أنت يالوافي لكنك من رياجيل الشيم
راح الزمان اللي به الشجعان والسيف البريع=ماعد ابه غير المشاكل والزلازل والنقم

القطعه الي نبتلش فيها نسميها رجيع = هذا الصحيح بدون كيف ودون عل ودون سم
هذا زمان الفكر والتفكير والباقي يضيع = والي عبد هكى الصنم يموت في جنب الصنم

لاتبتلش يابن الحلال (ا) وسد وجه الله منيع=واعزم وتاصل للقمم والاخسر راع الغنم
والفكرعـند اللي يصنع قنبله دايم لكيع=واللي عبد هاك الصنم يأكل من الذ النعم

انا اعرف العلم زين ونضرتي يم الجميع = وامشي بواقع متبعة حلوم من نام وحلم
والثلجه الي فوقها شمس الضحاء يمكن تميع = وتراني المخدوم ماصفيت مع صف الخدم