مرحبا ترحيبة ترفع شعارات البطولة=شامخة بالعز لايمكن تراجع عن هدفها
الحجيري مسلم ن وامن وصار الخوف حوله=مزهبه مأخوذ والبندق خطفها من خطفها

البقا فالحله اللي تعتبر للشعب دوله=والمعاني صرفها صرف الذهب للي صرفها
الحجيري دينه الاسلام و محمد رسوله=كم فرس ما تنعسف لكن ابو زيد يعسفها

حلة أهل الجود نعرفها لها صوله وجوله=والمعاني من يصرفها هـو اللي يكتشفها
وكـلبونا مسلمين مسالمين ومن حموله=وفي ميادين البطوله خيلنا كل عرفها

عرفكم ما نجحده والقول برهانه فعوله= والمعاني لو تغربلها كشفنا لك طرفها
ما نذم الظفر مير الهرج عن عرضه و طوله=سوقها سوق الدلال تنومس اللي يرتشفها

قبل لاتبداء التجاره ويش تملك من سيوله=فيه شيكات صفر مافيه مصرف ماحذفها
وكل كفو ن ينمدح دام المراجل بالرجوله=ويتنومس من ذكر فعـل النشاما مع شرفها

ويش رايك تشتغل عندي معقب لك عموله=كم فقارى من زكاة أموالنا عاشت ترفها
المراجل يا ابرق الجنحان ماهي بالسهوله=ما توالف يا عريب الجد غير اللي ولفها

مغتني واللي غني مايطلبه سهل ن حصوله=كل مايحتاج حاصل ماتسلف واستلفها
والمرجــل للرجال اللي تبرهـن ماتقـوله=والجواهر فالبحر والجوهره نعرف صدفها

زادك الله بس ليش الزرع ما بان امحصوله=عن رطبها ما اغتنى الفقران يا كود بحشفها
طرف مبصر ما تقدى بطرف فيه شوي حوله=والبحر ياكم سفينه قبلكم موجه جرفها