المشاركة الأصلية كتبت بواسطة صقر المراقيب

خـالــد عـبـيـد الاحــمــدي =
ياسلامـي ردّة ٍنهجهـا نهـجٍ سليـم=وبالحوار المتّزن ركّزوا فاللـي نقـول
بعد ماجار الزمن فالعزيز ابـن الكريـم=التّميز ابو سمن ياكله من غيـر فـول
صـويــلــح الـسـحـيـمــي =
مرحبـا ترحيبـةٍ قلتهـا والله عليـم=انتم وحنا مشينا على نهـج الرسـول
اعرف الشاعر بطرحه ليا جاب الوسيم=والمشاكل واجد اللي تبي منّـا حلـول
خـالـد بــن عبـيـد الاحـمـدي=
البقـا ياشاعـرٍ جعلـه بعرفـه يديـم=عزوته عند العرب ذكرها باطيّب فعول
شف زمانك ساد فيه الغشيم اعلا الفهيم=ايةٍ وتشقلبت حـاور اكبـار العقـول
صويلح السحيمي=
ماعليكم زود هالحين والـلا مـن قديـم=عزوتك عند العرب ماشيه حسب الاصول
ايييييييه ياكثر الحجر فالطريق المستقيـم=والطريق المنعوج ياحمدي كلـه سهـول
خالد بن عبيد الاحمدي=
يالسيحيمي يحفظك محيي العظم الرميم=مامشينا بالعوج دامنا نعدل ميول
والحجر يلقا عتل يكسره ضرب الصميم=لاكن انلوم الذي يشتكي ثقل الحمول
صويلح السحيمي=
انت عارف قصدنا ياحمدي منته غشيم=ماقصدنا اللي لهم عند خلق الله قبـول
من يقول العقل تلقـاه فالجسـم السليـم=كبرت اجسام العرب والعقل صابه ذبول
خالد بن عبيد الاحمدي=
انا عارف مقصدك مايجينا منك ضيم=وياصويلح ردّنا قصدنا فيه العذول
وانت عندك معرفه وانا رجّالٍ حليم=مير دير الملعبه والعلوم الها قفول
صويلح السحيمي=
من المدينه لازهمناك وانته فالقصيم=مثل لمع البرق تفزع لنا فوق الذلول
ودي اللي عادته لاشجاع ولاحكيـم=يدفنونه حي ويصير عبره للخبـول
خالد بن عبيد الاحمدي=
لو دعانا مثلكم ياصديق ٍ لي حميم=يبشر بفزعة شهم بالقضايا له فصول
والشجاعه تنتصر لو زمانك لك خصيم=لاكن اجعل شرهتي بالغشيم وبالعجول