الحجيري=
يا فايز تفضل واِشرب الشاذليّه=وبعدين شيل العاج يالال يالال
مفاتيح بابي حكمها في يديّه=وللباب مخراجن وللباب مدخال
فايز موسى=
هلا مرحبا مابين هاذي وذيه = وش الي تبي وتريد في كل الاحوال
مفاتيحك وبابك تراى ماهي ليه = وكل ٍ على مايريد ياطيب الفال
الحجيري=
هلا والبقا باللي يقدر خويه=نبيكم بخير وعافيه وأحسن الحال
مادام اعترف راع العلوم النقيه=يتم اعترافه وابيض الوجه لازال
فايز موسى=
على الهون بعد الكلمه الساحليه = راع الساحل الغربي وش يحط وش شال
يابو علي انا ماخطي ولا رضا الخطيه = انقي الفاظي زين وجزّل بالاقوال
الحجيري=
على الهون يا فايز تركدّ شويه=وخل المعاني بيننا سَوق فنجال
محد ذمكم يا وارثين المطيه=لكنّ الحدود محدده بأرض وجبال
فايز موسى=
لو إن الاوادم كلهم بالسويه = ترى مابلشنا بين صادق ومحتال
عن الي يجي ويروح في سوء نيه = تريح ليا دقيت بالباب الاقفال
الحجيري=
بفكرك تميزّ بين هاذي وذيّه=وشرواك ما يبلشبها خْفاف و ثْقال
هل الطيب منهم ما تجيك الرديه=على ربعها وأصحابها فيّ وظلال
فايز موسى=
انا ماقصد الجلاد ولا الضحيه = انا اقصد قليل المعرفه شين الاعمال
لاميل على ارجال الوفاء والحميه = وهو لو جلبته مايقدم به اريال
الحجيري=
أنا أعَرْفْ وش ليّه وأعَرْفْ اش عليّه=ومن جاء معه غتره هديناله عْقال
ترى اللاش يا فايز حصيله بليّه=وجاهل ما زرّانا مع الفين عقّال