لاشفت من يبكي ودمعه مغطيه=لاتساله لو صار دمعه سحابه
ماهل دمع العين لجله يسليه؟!!=كلٍ دموعه من خوافي صوابه
يشكي هموم ويمكن الوقت معضيه=وإلاجــروحٍ مــن جروح القرابه
اوهو حبيبٍ فاقده يـــــوم يغليه=حدر على خده دمع. من عذابه
غالي وزاد الشوق كثرة تغليه=يغيب مايعرف عذابه غيابه؟ّ!!
يجرح حبيبه دون ماقصد بيديه=لوحس به. مزاد شدة مصابه
وانـا ترا حلـي الحـاله تحاليه=في حال حالي مثل حاله مشابه
مـنا! ومـنا ! زايـداتٍ بـلا ويــه=عوت علي ايام شهب الذيابه
همومي اللي داخل القلب تكويه=اكـنهـا بالـصـدر قـدر ومــهابـه
ماودي العدوان تدري وش اخفيه=اضحك لهم والقلب وسطه حرابه
هـمــي علـيه كـاثراتٍ مـغـازيـه=غـدا خفـوقـي للـمصـايب نـهابـه
احاول اجمع من شتاتـي وانميه=ويضيع مجهودي سدا واسفابه
يا الله تعدل حال تعلم بخافيه=يارب دعواتي ومنك الاجابه