إذا اشغلك موضوع عورك وعرجك=لاتشرح الموضوع للعور والعرج
وإن كان تبغا ربك يفك حرجك=عين البشر في حزة الضيق والحرج
وإن كان ماحطيت زادك فخرجك=لاتلتفت للاش لااحتجت للخرج
اللاش لوتعطيه خيلك وسرجك=يمكن يضنك سارق الخيل والسرج
وحتى يلو تعطيه مفتاح درجك=يزعل عليك الليا إنتهى ماحوى الدرج
وإن شفت لك شخص(ن) مخالف لبرجك=لاتنتظر يالين يصفى لك البرج
ترى خبل مجنون ينصت لهرجك=اخير من عاقل يقطع لك الهرج !!