المشاركة الأصلية كتبت بواسطة صويلح السحيمي

الحقايق واضحه يلي تبي حجب الحقايق=الحرامي شفت له مع جرة الاصحاب جره
لاتحاول تستعيد اللي من الاصحاب ضايق=ثوبك اللي تلبسه لاضاق ماتقدر تزره
لو تبرع بالمطافي بعد شبيت الحرايق=مانقول :إلا عسى من ضرنا ربي يضره
كيف ابرجع مع طريق(ن) خابره كله عوايق=طالما إني مع طريق(ن) يشرح الصدر ويسره
كنت طوع وكنت سهل وكنت مرح وكنت رايق=لين شفت المجتمع خيره غرق في بحر شره
والله إني كنت احاول حلها بشتى الطرايق=لين صارت مشكلتنا مشكلة ضره لضره
من تعاليم الحياه القاسيه عندي وثايق=المكان اللي يقلل من مقامي عيب امره