|
|
كلي حذر من صحبة الغرب والروس
بيت من الشعر ارسله لي احدالاصدقاء الاعزاء ورددت عليه بقليل من الاسترسال
اتمنى ان يعجبكم وللجميع اطيب تحية
احذر من قطاع رجلك بلا موس****عساه ما يلقى علينا خمالي
ردي على البيت السابق
كلي حذر من صحبة الغرب والروس****والريح ما هزت رواسي الجبالي
مهما تمس الحبل والحبل ممسوس****حبلي رهاوي من قوي الحبالي
انا ورثت الطبع والطبع مغروس****طبعي ورثته من عمام وخوالي
ولاني مجاوبكم على لحن منكوس****مادام طبعي يا صحيبي شمالي
يا اللي بعثت عسوس والعلم محسوس****الامر واضح ما يبيله خيالي
مصاحب الطيب لنا فخر ناموس****واهل المعالي واصلين المعالي
اللي لهم في ملبس العز ملبوس****قدوة رجالن ومفخره للرجالي
اخير من صحبة مصالح مع فلوس****اهل المصالح جامعين الريالي
بعض العرب ودك تشيله على الروس****وبعض العرب ودك تدوسه نعالي
يا الله يا اللي تحصي الخلق ونفوس****تجعل لنا فيها كمال وجمالي
|