سلام يا راس الرجال المشاكيل
أزكى سلام لروس عيال الحمايل

سلام(ن) احلى من عذي الشهاليل
واعط وأزكى من ورود الخمايل

ترسل علينا بالوساطه مراسيل
وتقطع علينا بالمواصل رسايل

يا صاحبي وان كان تبقى تفاصيل
نعطيك من كثر الكلام القلايل

أحد(ن) يدور في المجالس تعاليل
وأحد(ن) محمل فوق همه نقايل

احد(ن) تغزل بالرموش المضلايل
وأحد(ن) تغزل بالعلوم الجمايل

أحد(ن) على ربعه سوات الهماليل
غيث(ن) يغيث الارض زرع وظلايل

وأحد(ن) ضعيف الحال ولامن محاصيل
لا نافع(ن) غيره ولا من صمايل

هذا أختصار وبالعلوم التهاويل
ومن العنا ننقل من الهم فايل

ترا الرجل ما ينفعه بحر أقاويل
لا صار فعله ما يجيله دلايل

فخر الرجال وقدوتن للرجاجيل
نطاحت القالات شالوا شقايل

والله يعدل ميلها بالمقابيل
ويبقى الأمل بالله خير الوسايل